Rita inn

Set teg í samband við okkum, um tú hevur gloymt brúkaranavn ella loyniorð.

Brúkaranavn og/ella loyniorð skeivt. Vinarliga royn aftur.
Lat aftur
Takk fyri boðini. Vit venda aftur.
Okkurt gekk galið.
Vinarliga fyll út øll feltini.
Send
Lat aftur

Úrslit av leitingini

Einki var funnið.
Lat aftur

Betri verju av starvsfólkum í útsettum størvum

Betri verju av starvsfólkum í útsettum størvum 25. Mai 2021

Starvsfelagið hevur saman við Politistafelagnum og Sosialráðgevarafelagnum sent løgmanni skriv, har vit biðja um fund fyri at umrøða trupulleikar, sum limir okkara dragast við og vera darvaðir av í yrki sínum í almennari tænastu. Vit ynskja, at hesi starvsfólk fáa betri verju í føroysku revsilógini, enn tey hava í dag.

Vaksandi ágangur móti starvsfólki í almennari tænastu

Bæði sosialráðgevarar og politistar hava hesi seinastu árini merkt vaksandi ágang frá borgarum á ein hátt, sum kann vera við til at ávirka teirra arbeiði sum starvsfólk í almennari tænastu. Ein gongd, sum serliga hevur samband við útbreiðsluna av sosialu miðlunum, har borgararnir hava fingið lættari við at koma alment til orðanna.

Sum starvsfólk í útsettum størvum uppliva limir okkara alt meira at verða útspiltir og úthongdir á sosialu miðlunum. Hetta gongur fyri seg á serligum síðum, sum ofta eru almennar, har vanlig starvsfólk í almennari tænastu verða niðurgjørd og útspilt, við navni, persónsmynd og onkuntíð við bústaði og telefonnummari. Talan er ofta um sokallaðar hatursíður, merktar av grovum persónligum ákærum.

Eisini uppliva limir okkara at verða eygleiddir og eltir í síni frítíð, á eitt hátt sum upplivist sum ágangandi chikana, tó uttan, at hetta kemur undir hóttanir ella niðring, sum eru fevnd av øðrum ásetingum í revsilógini.

Sum almenn starvsfólk í útsettum størvum eru sosialráðgevarar og politistar vanir við mangt av hvørjum. Tey eru von at tola kritikk og tað fylgir við arbeiðnum at hava harða húð. Men ágangurin, sum fer fram á sosialu miðlunum og onkuntíð uttanfyri heimini hjá starvsfólkunum, fer mangan út um alt sømuligt mark.

Føroyar mugu eisini hava “chikanu-paragraffina”

Okkara áheitan til løgmann er, at almenn starvsfólk í Føroyum fáa somu verju í revsilógini sum starvsfelagarnir í Danmark fingu, tá ið tann sonevnda “chikanu-paragraffin”, § 119 a, varð sett inn í donsku revsilógina.

Starvsfólk í almennari tænastu í Føroyum hava gjøgnum §§ 119 og 121 ávísa verju móti ágangi. Tað er eittnú revsivert at fremja harðskap ella at hótta við at fremja harðskap móti starvsfólkum, og tað er eisini revsivert við háðan og niðran at loypa á starvsfólk, tá ið tey eru í starvi ella í hesum sambandi. Líknandi ásetingar eru í donsku revsilógini.

Við tí sonevnda Respektpakken hava lóggevararnir í Danmark tó ásannað, at nevndu ásetingar ikki verja starvsfólk í almennari tænastu nóg væl og at tørvur tí var á serligari verju móti chikanu. Hetta var orsøkin til at Fólkatingið í 2016 samtykti § 119 a, sum lið í Respektpakken.

Onnur lóggáva á markamótinum, so sum revsiásetingin um ærumeiðing og dátuverdarlógin og lóggávan um tilhald v.m. hevur heldur ikki víst seg at geva starvsfólkunum neyðugu verndina móti chikanøsum ágangi.

Starvsfólk sum sosialráðgevarar og politistar royna øll at gera sítt arbeiði til lýtar. Men mark er fyri hvat tey kunnu og skulu tola, tí tey eru bert menniskju. Persónlig chikana og forfylging, sum tey uppliva, er eitt álop á teirra privatlív og kann vandi eisini vera fyri, at áhaldandi ágangurin fær neiliga ávirkan á teirra fakliga arbeiði.

Tað er okkara vón og áheitan, at løgmaður, við ábyrgd av revsislógini, vil virka fyri hesum og játtar at taka ein fund við feløgini, har vit kunnu umrøða málið nærri.

Katarina Petersen, forkvinna í Sosialráðgevarafelagnum
Súni Selfoss, formaður í Starvsfelagnum
Absalon Áargarð, formaður í Politistafelagnum


Krøvini vórðu handað pørtunum á fyrsta samráðingarfundi í dag

  22-09-2021

60 ára veitslan 18. septembur 2021

  21-09-2021

Samráðingar fara nú í gongd

  06-09-2021

Gestarøðan á landsfundi Javnaðarfloksins 2021

  30-08-2021

Starvsfelagið vil javnseta almenn sett starvsfólk

  13-08-2021

Set ferðina niður í summar

  03-08-2021

Góða ólavsøku

  27-07-2021

Starvsfelagið er í summarferiu

  18-07-2021

Eingin semja um starvsfólk á flogvøllinum

  25-06-2021

Stríðið steðgar ikki her

  21-06-2021

Álop á okkara vunnu rættindi

  19-06-2021

Yvirlýsing í sambandi við politiska álopið á verkfalsrættin

  17-06-2021

Heilsan frá fyrrverandi formanni

  15-06-2021

Álop á fakfelagsrørsluna

  15-06-2021

Stuðulsyvirlýsing

  13-06-2021

Starvsfelagið átalar Samherja

  27-05-2021

Betri verju av starvsfólkum í útsettum størvum

  25-05-2021

Løntakaraverndin, sum føroyingar ikki mugu fáa

  11-05-2021

Vísið barnaverndini virðing!

  06-05-2021

Frítíð við løn eftir lóg og sáttmála

  29-04-2021

Gevið S&K sættu frívikuna!

  23-04-2021

Familjufyrisitingin: Yvirtikin og stóra lønarlækking

  14-04-2021

Fíggjarmálaráðið villleiðir

  26-03-2021

Fíggjarmálaráðið leggur upp til stríð um yvirtøkur

  25-03-2021

Førleikamenning innan fyrisiting

  10-03-2021

Aðalfundur verður leygardagin

  03-03-2021

Starvsblaðið - ársrit fyri 2020-2021 komið út

  02-03-2021

Samlagstryggingargrunnur skift navn og formann

  26-02-2021

Tøkk fyri vitjanir og heilsanir

  25-02-2021

Starvsfelagið feiraði stovningardagin

  23-02-2021

Starvsmannafelagið eitur nú Starvsfelagið

  22-02-2021

Fakfeløg mótmæla

  12-02-2021

Eykaaðalfundur í Starvsmannafelagnum

  28-01-2021

Samskiftisfólk til Starvsfelagið

  28-01-2021

LÍV brúkar nú Samleikan

  18-12-2020

Samhugaverkfallið avlýst

  08-12-2020

Sáttmáli gjørdur fyri starvsfólk á Føroya Tele

  08-12-2020

Starvsfelagið fer í samhugaverkfall

  07-12-2020

Starvsmannafelagið hevur avhendað sáttmálakrøv

  06-12-2020