Rita inn

Set teg í samband við okkum um tú hevur gloymt brúkaranavn ella loyniorð.

Brúkaranavn og/ella loyniorð skeivt. Vinarliga royn aftur.
Lat aftur
Takk fyri boðini. Vit venda aftur.
Okkurt gekk galið.
Vinarliga fyll út øll feltini.
Send
Lat aftur

Úrslit av leitingini

Einki var funnið.
Lat aftur

Starvsmannafelagið eitur nú Starvsfelagið

Starvsmannafelagið eitur nú Starvsfelagið 22. Februar 2021

NAVNASKIFTI: Á 60 ára degnum hjá Starvsmannafelagnum, varð navnabroyting kunngjørd. Nýggja navnið er meira rúmandi og endurspeglar í størri mun samansetingina í felagnum. Felagið eitur nú Starvsfelagið.

Starvsfelagið hevur 60 ár á baki, og nógv er hent og broytt síðan 1961. Felagið hevur vunnið nógv rættindi limunum at frama, og felagið er, sum heild, ein sterkur partur av arbeiðsmarknaðinum.

Felagið er samhaldsfast, sterkt og rúmandi, og hetta skal síggjast aftur í samleikanum.

Við at strika 5 stavir í navninum, gerst karakterurin í navninum ein heilt annar. Navnið gerst meira rúmandi, meira nútímans og eisini fær navnið nýtt, hóskandi innihald. Nú “manna” er strikað er navnið meira umboðandi breiðu limasamansetingina. Somuleiðis sendir hetta út eitt signal um, at øll eru vælkomin í felagið.

Nýggi týdningurin í navninum er starvsfelagin. Ein starvsfelagi er ein, tú lyftir saman við. Ein tú ert í parti við. Ein tú brúkar tíð saman við. Ein tú deilir áhugmál saman við. Ein sum talar tína søk og stendur við tína lið. Hetta eru allir jaligir eginleikar, sum hóska væl sum heiti hjá felagnum.

Nýtt búmerki

Í sambandi við navnabroytingina, er nýtt búmerki sniðgivið. Nýggja búmerkið er ment við tí fyri eyga, at tað skal kennast nýtt og tó kent. Tí er sniðið ment, so tú hómar, at hetta er liður í eini menning frá tí gamla til tað nýggja.

Búmerkið er bygt upp av tveimum liðum: Einum ketuliði (logo) og einum skrivaðum navni (logotypa).

Ketan ímyndar styrki, samanhald og týdningin hjá einstaka liðnum í heildini.

Í sniðnum til ketuliðið hóma við skapið á “S”inum, sum vit minnast frá í gamla búmerkinum. Hetta er fyri at geva eina kenslu av, at hóast sniðið er nýtt, er felagið enn hitt sama.

Eisini hóma vit eitt fingramerki. Eitt fingramerki er berandi fyri tín samleika. Tað er unikt. Og tá tú setir títt fingramerki á – tá hevur tú sum felag røkt tína skyldu.