Matarsteðgurin

Í sáttmálaøkinum hjá Starvsfelagnum eru ymiskar reglur um matarsteðg. Fyri almenna sáttmálaøkið - t.v.s. í sáttmálunum við Fíggjarmálaráðið og Kommunala Arbeiðsgevarafelagið - hava tey flestu rætt til matarsteðg sum part av vanligu arbeiðstíðini. Hetta er tað, ið vanliga verður rópt goldin matarsteðgur.

Fyri tey, sum starvast hjá SEV, er matarsteðgurin tó ikki íroknaður ta normeraðu arbeiðstíðina. Tey hava rætt til at halda matarsteðg, men fáa ikki løn í steðginum.

Í hesum partinum kanst tú lesa meira um munin millum tær báðar avtalurnar um matarsteðg.