Umhvørvispolitikkur hjá Starvsfelagnum

Starvsfelagið hevur ynski um at gera sítt íkast til at verja um umhvørvið. Tí avgjørdið nevndin, at vit fáa orða ein umhvørvispolitikk.

Í fyrstu syftu umfatar politikkurin orkupolitikk, nýtslupolitikk og innkeypspolitikk.

Visión

Vit skulu vera førandi, tá talan er um burðardygt innkeyp, grøna nýtsluatferð og grøna orkunýtslu

Strategi

• El úr sólorkuskipan
• At fáa hita úr hitaskipan
• Mannagongdir viðvíkjandi grønari nýtsluatferð
• Fokus á at keypa endurnýtsluvørur og/ella vørur merktar at vera umhvørvisvinarligar

Orkupolitikkur

Elorka

Starvsfelagið og Smæran fáa el-orku frá sólpanelum, ið eru settar upp á takið í Smæruni.

Yvirskot av streymi fer á netið hjá SEV.

 

Hitaorka

Starvsfelagið og Smæran hava fingið hitaskipan luft til vatn.

 

Nýtslupolitikkur á skrivstovuni

• Vit skulu í minsta mun útskriva á pappír.
• Sak umsløg skal vera úr pappíri ella papp
• Vit eiga altíð at hugsa um vørur kunnu koyrast til endurnýtslu, tá vit ikki brúka tær longur.
• Hava minni ruskspannir til bleytt pappír, plastik, jarn, battaríir og glas í køkinum.
• Hava stór ruskstativ í fløskugoymslurúminum til plastic, pappír og glas, ið húsavørðurin koyrir á Hjalla, tá fult er.

Innkeypspolitikkur

Á skrivstovuni

• Kopi- og skrivipappír skulu verða úr endurnýtslupappíri
• Pennar við búmerki og annað reklamutilfar skal vera úr umhvørvisvinarligum tilfari
• Kaffi og te skal hava fairtrade og økologimerki
• Kaffifiltur skal vera úr endurnýtslupappíri
• Eingangslutir skulu helst ikki keypast
• Umhvørvisvinarligir skrivstovulutir sum heild, har tað ber til.
• Ikki hava plastikposar í ruskspannum á skrivstovunum

Innkeyp til reingerð

• Vaski- og reingerðarevni skulu verða merkt við svanamerki ella líknandi góðkend umhvørvisvinarlig merki, helst keypa føroyskt.
• Wc pappír og pappírsserviettar skulu verða úr endurnýtslupappíri

Innkeyp til veitslur o.l.

• Bert keypa eingangsíløt úr pappi ella træ, og til smærri tiltøk verður steintoy brúkt
• Kaffi/te og líknandi vørur skulu vera fairtrade og økologimerktar
• Kaffifiltur úr endurnýtslupappíri
• Stearinljós við umhvørvismerki
• Keypa økologiskt, har tað ber til

Íverksetan av grøna politikki felagsins

• Vit hava gjørt mannagongd til umsitingina, hvussu vit skilabest nýta/endurnýta skrivstovulutir og møblar, hvat tilfar vit keypa til skrivstovuna og køkin, skilja burturkast, og hugsa umhvørvi, tá vit keypa inn til veitslur.
• Vit skulu gera mannagongd til reingerðarfyritøkuna, ið hevur til uppgávu at keypa wc pappír, hondserviettar og sápur inn.

Tá vit hava sett okkara strategi í verk, so eru vit við at stuðla undir Heimsmál 13, ið eitur veðurlagsátøk.