37 tíma arbeiðsvika

Nýggj kanning um 37 tíma arbeiðsviku varð løgd alment fram í Smæruni týsdag 5.okt. 2021. Tað eru Jan Otto S. Holm, búskapar- og fíggjarfrøðingur og Regin Berg, stjórnmálafrøðingur, sum hava gjørt kanningina fyri átta fakfeløg á almenna arbeiðsmarknaðinum.

Endamálið við kanningini er at lýsa fyrimunir og avleiðingar við 37 tíma arbeiðsviku, og hvør kostnaðurin er at íverkseta hesa broyting.

Kanningin er víðfevnd og umrøður effektivitet, kappingarføri, sálarheilsu, framtíðar arbeiðsmarknaðin og javnvágina millum familju- og arbeiðslív. Somuleiðis lýsir kanningin royndir aðrastaðni við at stytta arbeiðsvikuna.

Kanningar frá øðrum londum vísa greitt, at tað eru fyrimunir við at stytta arbeiðsvikuna, meðan vansarnir eru truplari at finna.

Framløgan hjá Jan Otto S. Holm og Regin Berg kann síggjast her og samlaða kanningin kann lesast her.

Feløgini handan kanningina eru:

Fakfelagssamstarvið (Akademikarafelag Føroya, Felagið Føroyskir Sjúkrarøktarfrøðingar, Føroya Lærarafelag, Føroya Pedagogfelag, Havnar Arbeiðskvinnufelag, Heilsuhjálparafelag Føroya og Starvsfelagið) og Heilsurøktarafelagið