Yvirarbeiði

Eftir meginreglunum verður yvirarbeiði samsýnt soleiðis:

• Yvirtíð 1: fyri 1., 2. og 3 yvirtíman: tímaløn + 50%

• Yvirtíð 2: fyri 4. og fylgjandi yvirtímar og yvirtímar leygardag, sunnudag, haldidag og fastan frídag: tímaløn + 100%

Yvirarbeiði verður gjørt upp í byrjaðum hálvum tímum.

Lærlingum kann í undantaksføri verða álagt yvirarbeiði. Yvirarbeiði verður samsýnt eftir 1. stigi í lønarflokkinum, sum lærlingarnir koma í, tá ið teir eru útlærdir.

Í lønartalvunum fyri sáttmálarnar við ávikavist Fíggjarmálaráðið og Kommunala Arbeiðsgevarafelagið ber til at lesa hvussu yvirtíðargjøldini eru í krónum og oyrum fyri júst títt starv.

Tey hægri løntu

Starvsfólk, sum eru lønt hægri enn í 6. lønarflokki og fáa álagt yvirtíðararbeiði, fáa bert tað lægra yvirtíðargjaldið.

Tey hægst løntu í sáttmálaøkjunum, tey, sum eru á lønarstigi 28 ella hægri, fáa yvirtíð – sokallað drúgt álagt yvirtíðararbeiði – eftir serligum reglum. Teir fyrstu 20 áløgdu yvirtímarnir hvønn ársfjóðring eru altíð samsýntir í lønini hjá hesum bólkinum. Meginreglan er, at yvirtíðin skal avspákast.

Til ber at lesa meira um hesa skipan í §§ 22, og 26 stk. 9 í sáttmálanum við ávikavist Fíggjarmálaráðið og Kommunala Arbeiðsgevarafelagið.

Les meira um yvirarbeiði her.