Gjald ella avspák

Meginreglan er, at uppspardir tímar, áløgd yvirtíð, vaktargjøld og líknandi verða latin sum gjald ella avspákan. Á nógvum stovnum er avspáking mest vanlig, men sáttmálin hevur sum fyritreyt, at hetta skulu starvsfólk og leiðsla avtala.

Sí §§ 27 og 31 í sáttmálunum við ávikavist FMR og KAF.

Er ikki avspákað innan 3 mánaðir, og er eingin avtala gjørd um avspákan, skal gjaldast út, sigur sáttmálin. Gjøldini verða umroknað til tímar.

Starvsfólk, sum ganga vakt, hava eisini rætt til yvirtíð, um arbeiðið fer út um fastlagda vakt, ella arbeitt verður á sáttmálaásettum frídegi. Tá fáa tey tó ikki eisini vaktargjald, men bert yvirtíðargjald.

Gevið gætur, at serligar reglur galda fyri Sjúkraflutningstænastuna. Spyrji tykkum nærri fyri um hetta hjá Starvsfelagnum.