Sjálvboðið eykaarbeiði

Í serligum førum og í avmarkaða tíð kunnu starvsfólk og leiðsla gera einsæris avtalur um sjálvboðið eykaarbeiði. Tá verður vikið frá vanligu ásetingunum um vaktargjøld og yvirarbeiði. Hesin møguleiki er ásettur í sáttmálunum.

Sí §§ 24 og 28 í sáttmálanunum við ávikavist FMR og KAF

Sjálvboðið eykaarbeiði kann vera, tá ið arbeiðsplássið er undirmannað í sambandi við langtíðarsjúku, barnsferð ella feriu. Tað kann vera til at átaka sær serligar uppgávur, sum ikki hava skund, men sum hava ligið á láni og bíðað. Tað kann eisini vera, tá ið eitt starvsfólk av egnum ávum vil hava eitt hægri tímatal enn avtalað í síni setanaravtalu.

Avtalur um sjálvboðið eykaarbeiði skulu vera skrivligar og gjørdar í góðari tíð, áðrenn arbeiðið byrjar. Álitisfólkið skal kunnast um avtalurnar og um, í hvussu stóran mun eykaarbeiði kemur fyri á arbeiðsplássinum.

Samsýningin fyri eykaarbeiði verður avtalað við einsæris avtalu millum starvsfólkið og leiðsluna. Avtalað verður ein føst tímaløn, sum

• í minsta lagi skal vera: tímaløn + hægra vaktargjaldið og

• í mesta lagi: tímaløn + hægra yvirtíðargjaldið.

Sjálvboðið eykaarbeiði skal, sum orðið sigur, vera sjálvboðið. Tað skal tí ikki blandast saman við yvirarbeiði, sum altíð er álagt og fyri samsýning, ið er er ásett í sáttmálunum.

Sjálvboðið eykaarbeiði má sum nevnt bert vera í serligum førum og avmarkaða tíð.