Førleikaviðbót

Førleikaviðbót kann latast fyri eftirútbúgving. Hesar viðbøtur eru førleikagevandi og eru knýttar at starvinum.

Fyri at fáa førleikaviðbót

• skal útbúgvingin verða kravd, og
• eftirútbúgvingin skal vera frá góðkendum útbúgvingarstaði

Sjálvt um starvsfólk hava tikið meira enn eina eftirútbúgving, so verður bert ein viðbót latin.

Er starvið parttíðarsett, verður viðbótin samsvarandi setanarbrøkinum.

Viðbótin er treytað av, hvussu long eftirútbúgvingin er, og verður veitt eftir hesum leisti:

• eftirútbúgving 120 tímar: 750,00 kr.
• eftirútbúgving 160 tímar: 1.000,00 kr.
• eftirútbúgving 200 tímar: 1.250,00 kr.