Lønaraldur (ansiennitetur)

Grundlønin valdast ikki bert lønarflokkin. Hon valdast eisini, hvussu leingi tú hevur verið í starvi.

Hvørja løn tú skalt hava, veldst nevniliga um lønaraldurin, eisini nevnt ansiennitetur. Tað er tað áramál, tú hevur starvast á viðkomandi øki ella hevur verið í arbeiði, ið er treytað av ávísari útbúgving.

Tess longri starvsaldur tú hevur, tess hægri lønarstigi ert tú á.

Starvsfólk eru eitt ár á hvørjum stigi, og tað tekur 6-8 ár at koma á endastigið. Hetta er galdandi fyri fólk, sum starvast í minsta lagi hálva tíð. Er starvstíðin styttri, verður starvsaldurin roknaður lutfalsliga.

Í lønartalvununum til sáttmálarnar ber til at síggja hvussu lønin hækkar við starvsaldrinum, alt eftir hvørjum lønarflokki tú ert í.

Sum útgangsstøði byrja starvsfólk á 1. stigi í lønarflokkinum, og vinna síðani lønaraldur ár um ár.

Til ber at fáa lønaraldur góðskrivaðan frá øðrum starvi, um størvini samsvara. Hjá faklærdum og útbúnum er lønaraldurin vanliga tað áramál, starvsfólkið hevur verið í arbeiði, ið er treytað av útbúgvingini hjá viðkomandi.

Flytur tú frá einum lønarflokki til annan, kann tað ávirka starvsaldurin, sí § 31 og 35, stk. 3-5. í sáttmálunum við ávikavist Fíggjarmálaráðið og Kommunala Arbeiðsgevarafelagið. Spyr teg fyri hjá Starvsfelagnum, um tú ivast í hesum.