Rita inn

Set teg í samband við okkum um tú hevur gloymt brúkaranavn ella loyniorð.

Brúkaranavn og/ella loyniorð skeivt. Vinarliga royn aftur.
Lat aftur
Takk fyri boðini. Vit venda aftur.
Okkurt gekk galið.
Vinarliga fyll út øll feltini.
Send
Lat aftur

Úrslit av leitingini

Einki var funnið.
Lat aftur

Frávera vegna sjúku hjá øðrum avvarandi

Sum nevnt aðrastaðni geva starvsmannalógin og sáttmálarnir starvsfólki rætt til løn undir sjúku, tá ið tey sjálvi verða sjúk, og rætt til fráveru við løn, tá ið børnini verða sjúk. Verða børn ella hjúnafelagin álvarsliga sjúk, gevur dagpeningalógin eisini starvsfólkinum rætt til almenna veiting.

Frávera, sum stendst av at vera um onnur avvarðandi, er hinvegin ikki fevnd av nevndu reglum. Tað kann t.d. vera tá t.d. samlivi, foreldur ella systkin gerast sjúk.

Í leiðbeiningini um dagpeningalógina § 3, stk. 3 og 4 stendur t.d., at soleiðis sum greinin er orðað, kunnu børn hjá álvarsliga sjúkum foreldrum ikki fáa dagpening eftir dagpeningalógini § 3, stk. 3. Um barnið í sjúkrahúshøpi verður mett sum ein neyðugur fylgjari hjá foreldrum, ið mugu uttanlands í viðgerð, hevur barnið tó møguliga rætt til at fáa endurgoldið ferðakostnað og uppihald í útlandinum. Hetta er tó ikki viðkomandi í mun til rættin til dagpening sambært dagpeningalógini.

Í leiðbeiningini um dagpeningalógina § 3, stk. 3 og 4, stendur, at persónar, ið ikki hava rætt til dagpening eftir § 3, stk. 3 og 4, kunnu ístaðin venda sær til Almannastovuna um fíggjarliga hjálp eftir forsorgarlógini.

Rætturin til fráveru

Sjúka og lívskreppur kunnu raka allar familjur. Hesum skal arbeiðsplássið sjálvandi vísa neyðugt fyrilit fyri.

Sáttmálarnir hjá Starvsmannafelagnum hava ásetingar um familjupolitikk á landsins arbeiðsplássum. Leiðslan á almennum arbeiðsplássum skal vísa lagaligheit og smidligheit, fyri at betri samanhangur kann vera millum familjulív og arbeiðslív.

Leiðslan skal ganga starvsfólkunum á møti, tá ið trupulleikar stinga seg upp, sum gera, at tey ikki fáa røkt sítt arbeiði, og geva frí, tá ið kreppur og sjúka raka.

Eru ivamál um fíggjarlig rættindi eftir almannalóggávuni, ber til at ráðføra seg við Leif Olsen, sosialráðgeva og ráðgeva hjá Starvsmannafelagnum, leifo@av.fo.