Rita inn

Set teg í samband við okkum um tú hevur gloymt brúkaranavn ella loyniorð.

Brúkaranavn og/ella loyniorð skeivt. Vinarliga royn aftur.
Lat aftur
Takk fyri boðini. Vit venda aftur.
Okkurt gekk galið.
Vinarliga fyll út øll feltini.
Send
Lat aftur

Úrslit av leitingini

Einki var funnið.
Lat aftur

Vegleiðing um starvsfólkarætt fyri limir í Starvsfelagnum

Les um tíni rættindi og tínar skyldur sum starvsfólk, frá tí at tú byrjar í starvinum, meðan tú ert í starvi, og til tú gevst í arbeiðinum. Vegleiðingin er fyri limir, sum starvast hjá landi, kommunum, kommunalum felagsskapum og í kommunalu dagrøktarskipanini. Hon kann tó í ávísan mun nýtast av teimum, sum starvast í almennu partafeløgunum Posta og Føroya Tele. Trýst á kassarnar niðanfyri ella brúka leitiskipanina høgrumegin.

Les meiri (sipað verður til tekstin herundir, sum skal leggjast onkra aðrastaðni)

Talgild vegleiðing um starvsfólkarætt

Ivast tú í tínum rættindum og skyldum á arbeiðsplássinum? Sum limur í Starvsmannafelagnum kanst tú nú skjótt og lætt klikkja teg til svarið. Sum fyrsta fakfelag í Føroyum gevur Starvsmannafelagið út eina talgilda vegleiðing um starvsfólkarætt, sum verður útbygd stigvíst.

Nógvir limir venda sær hvønn dag til Starvsmannafelagið við spurningum um síni rættindi og skyldur, sum starvsfólk. Tað kann verða alt frá ávaringum, uppsøgn, sjúku, løn, yvirtíð og støðuni, tá ið starvið broytist.

Tað hevur leingi verið saknur í, at vit sum felag hava havt nakað skrivligt tilfar at vísa limunum á, har tit sjálvi kunnu lesa meira um tykkara støðu á arbeiðsplássinum. Mesta kunningin hevur verið munnlig frá máli til mál. Og tað hevur ikki verið nøktandi.

Sum fyrsta fakfelag í Føroyum er Starvsmannafelagið tí farið at savna vitanina um rættindi og skyldur hjá limunum í eina talgilda vegleiðing um starvsfólkarætt, sum limirnir í Starvsmannafelagnum hava atgongd til.
Ætlanin við hesi vegleiðingini er at geva limunum eitt praktiskt og helt hjálparamboð. So at tit skjótt og lætt kunnu klikkja tykkum til rætta svarið, tá ið ivi stingur seg upp um starvsfólkaviðurskifti á tykkara arbeiðsplássi.

Vendir sær til sáttmálasett hjá tí almenna

Rom varð sum kunnugt ikki bygdur eftir einum degi. At gera eina vegleiðing um starvsfólkarætt er eitt størri tiltak, og tí verður vegleiðingin av praktiskum grundum gjørd stig fyri stig.

Vegleiðingin vendir sær til limirnar, sum arbeiða undir sáttmálunum, sum Starvsmannafelagið hevur við tað almenna. Tað vil siga limir, sum arbeiða hjá landinum, kommununum og kommunalu felagsskapununum, og limir í kommunalu dagrøktini.
Orsøkin til, at vegleiðingin í fyrsta umfari vendir sær til alment sett, er, at tey eru umfatað av serligum reglum, sum bert eru galdandi fyri alment sett, nevniliga fyrisitingingarrættinum.
Ætlanin er tó sum frá líður at víðka handbókina, so at hon eisini vendir sær til starvsfólkini í almennu partafeløgunum Posta og Føroya Tele. Partafeløgini virka á privatrættarligum grundarlagi og eru ikki fevnd av fyrisitingarrættinum.
Limirnir, sum arbeiða hjá Føroya Tele og Posta, kunnu tó í ávísan mun brúka vegleiðingina, tí á summum økjum eru starvsfólkaviðurskiftini í partafeløgunum tey somu sum hjá tí almenna. Spyr teg nærri fyri um hetta hjá Starvsmannafelagnum.
Vegleiðingin er fyri sáttmálasett. Hon vendir sær sostatt ikki til tænastumenn ella starvsfólk, sum eru sett eftir tænastumannalíknandi treytum hjá tí almenna.

Verður útbygd stigvíst

Starvsfólkarættur er eitt sera umfatandi øki. Tí verður hendan vegleiðingin gjørd í stigum.
Byrjað verður við teimum evnum, sum felagið fær flest fyrispurningar og hevur flest mál um. Ætlanin er at leggja nýggjar partar afturat so hvørt, so at vegleiðingin sum frá líður verður alt meira fullfíggjað.

Við tað at vegleiðingin er talgild ber eisini til at útbyggja einstøku partarnar. Eisini verður vegleiðingin dagførd, so hvørt sum rættarstøðan broytist.

Trupul mál – spyr altíð ráðgevingina!

Við hesi vegleiðingini kanst tú sum limur lesa um tíni grundleggjandi rættindi og skyldur, so at tú verður betur før/-ur fyri at skilja støðu tína sum løntakari.

Tað er tó týdningarmikið at undirstrika, at hendan vegleiðingin kemur ikki í staðin fyri persónliga ráðgeving frá Starvsmannafelagnum. Hon er eitt ískoyti til ráðgevingina. Starvsfólkamál kunnu verða trupul og samansett, og hevur tú eitt mál, sum kann fáa avleiðingar fyri tíni viðurskifti, skalt tú altíð venda tær til felagið fyri at fáa ráðgeving. Vegleiðingin um starvsfólkarætt kann ikki standa einsamøll.

Við hesum fari eg at ynskja tykkum til lukku við nýggju vegleiðingi um starvsfólkarætt. Vónandi verður hon eitt framstig fyri samlaðu limaráðgevingina hjá Starvsmannafelagnum.

Vinarliga
Súni Selfoss, formaður í Starvsmannafelagnum